LEGAZPI CITY-Pigkakarkulong nasa 25 Overseas Filipino Workers (OFW) an presenteng nasa death row segun kay Department of Migrant Workers Secretary Hans Leo Cacdac.
Ini an kinumpirma ni Cacdac sa pagbusisi kan propwestong pondo kan Department of Migrant Workers asin attached agencies kaini para sa 2026.
segun kay Cacdac, nagbaba man an numero kan mga OFW sa death row, orog na sa Malaysia, makalihis ipaotob kan nasabing nacion an mas mahiwas na polisiya dapit sa commutation kan sentensiya.
Dagdag pa kan kalihim, padagos an pigsasagibong “behind-the-scenes” na piggibo kan ahensya sa pagtarabangan sa Department of Foreign Affairs (DFA), Office of the President, asin iba pang katakod na ahensya ngani maibitaran an mga pagbitay asin mapalitan nin mas magian na padusa an mga sentensiya kan mga Pilipinong nasa death row.
