LEGAZPI CITY – Arestado an sarong persona makalihis madakop sa aktong nanghahabon sa sarong tiendahan sa Barangay Centro Poblacion, Oas, Albay.
Segun ki Oas Municipal Police Station Chief of Police Police Major Jonathan Apil sa intrevista kan Bombo Radyo Legazpi na binisto an suspetsado na sarong lalaki 24 anyos, warang agom, sarong laborer asin residente kan provincia kan Sorsogon.
Basado man sa salaysay kan kagsadiri kan establisyemento, uminabot sa P17,000 an kantidad kan kwartang nahabon sa sainda.
Pinagtarabanagan man kan mga opisyales kan nasambitang barangay asin kan saindang personahes an padakop sa suspetsado.
Pigtaram pa kan opisyal na nagtetenir na sa saindang kustodiya an suspetsado para sa magkakanigong disposisyon mantang nahahampang man ini sa kasong theft.
Depende man suboot sa ipapaluwas na desisyon kan korte kun magkakaigwa nin pyansa an kasong pigkakahampang kan suspetsado para sa saiyang temporamenteng libertad.
Pangapodan ni Apil sa publiko na dae magduwang isip na makipagkoordinar sainda mapadapit sa mga ilegal na gawi o nangyaring krimen sa saindang lugar nganing matawan ini nin magkakanigong aksyon.
