LEGAZPI CITY- Arestado an sarong 24 anyos na grocery bagger sa Brgy. Luna Candol, Gubat Sorsogon makalihis ining madakop sa pigsagibong buy bust operation kan Philippine Drug Enforcement Agency.
Segun kay Agent Adrian Fajardo, an PDEA Sorsogon Officer sa naging intrevista kan Bombo radyo Legazpi napag- araman na sarong High-Value Target an suspek kun saen nagpapabakal nin mga darakulang kantidad nin marijuana.
Nakumpiskar sa suspek an maabot sa 755 grams nin marijuana na nagkakantidad nin P75,500 pesos.
Dugang pa kan opisyal na haros sarong bulan nindang pigmanmanan an nasabing suspek makalihis na ireport kan Barangay Anti-Drug Abuse Council.
Mientrastanto, dakulang bagay suboot na nadakop an suspek huli ta kadaklan na nagiging biktima kan marijuana iyo an mga kajovenesan.
Sa ngunian padagos an saindang pag-edukar sa mga kabataan asin nagrarani naman ini sa mga brgy officials ngani na tabangan sinda na mamonitor an mga joven huli ta iyo ini suboots an nakakaraot sa saindang futuro.
