Nagkawsa nin kanselasyon asin diversion nin nagkapirang international flights an naglalalang tensyon sa Middle East.
Segun sa Civil Aviation Authority of the Philippines (CAAP), 23 international flights an nakanselar mantang tulo an na-divert huli sa safety concerns asin airspace restrictions puon kan maglansar nin pag-sakyada an Estados Unidos asin Israeal sa Iran kan Sabado, Pebrero 28.
Kaibanan sa mga nagkanselar nin biyahe an Cebu Pacific (2), Philippine Airlines (8), Qatar Airways (2), Gulf Air (1), Etihad Airways (4), asin Emirates (6).
Duwang flight man kan Philippine Airlines asin saro kan Qatar Airways an na-divert.
Segun ki CAAP Director General Retired Lt. Gen. Raul Del Rosario, nagsasagibo an ahensya nin mga lakdang susog sa direktiba ni Presidente Ferdinand Marcos Jr. asin Transportation Secretary Giovanni Lopez ngani na masierto an seguridad kan mga pasahero asin crew.
Pinayuhan man an mga apektadong pasahero na makipag koordinar sa saindang airlie para sa rebooking, refund, asin updated flight information.
