LEGAZPI CITY- Nasa 22 na mga indibidwal na an nairehistrong mga aspirants sa Bicol region na uminatras sa pagdalagan sa 2025 elections.
Sa nasabing datos, tulo an hali sa provincia kan Albay mantang saro an uminatras sa Camarines Norte asin 15 sa Camarines Sur.
Duwang aspirants man an uminatras sa provincia kan Masbate asin saro sa Sorsogon.
Segun ki Commission on Elections Bicol Director Atty. Jane Valeza sa intrevista kan Bombo Radyo Legazpi na warang nagpupugol sa mga aspirants na umatras alagad kinakaipuhan suboot ining gibuhon nin mas amay.
Paliwanag kan opisyal na sa Nobyembre, magpi-print na nin mga balota kaya an mga ma-withraw kan saindang kandidatura an makakasabay man liwat sa balota an pangaran.
Mientras tanto, pag-abot sa substitution nilinaw kan opisyal na tinugutan sana ini kan Oktubre 1 hasta 8.
Alagad pagbibigyan an substitution kun nagadan an persona na nagsunad nin kandidatura o dagos na nawaran nin kapasidad na magdalagan sa posisyon.
