LEGAZPI CITY—Arestado an Rank 7 Provincial Most Wanted Person kan provincia nin Albay sa kasong statutory rape sa Tabaco City.
Binisto an akusado na si alyas “Bal”, 21-anyos, warang agom asin residente kan nasabing ciudad.
Naarestar ini sa kasong Statutory Rape na warang pigrekomendang piyansa.
An akusado naarestar kan mga operatiba kan Criminal Investigation and Detection Group – Albay Provincial Field Unit (lead unit) katabang an Albay Police Intelligence Team Regional Intelligence Unit, Police Intelligence Unit Albay Police Provincial Office, Ligao City Police Station asin 1st Albay Provincial Mobile Force Company.
