LEGAZPI CITY-Labi sa 200 katawo na an gadan makalihis an isinagibong joint strikes kan U.S. asin Israel laban sa Iran, susog sa mga repor kan Iranian state media.
Basado sa mga impormasyon, suminakat na sa kabilugang 201 an kumpirmadong numero kan mga binawian nin buhay mantang 747 man an irido sa 24 banwaan sa nacion.
Nai-report man na kabale sa mga nagadan an 85 katawo makalihis suboot na tamaan kan strike an sarong girls’ school sa Minab, sa south kan Iran.
Segun kay Foreign Minister Abbas Araghchi, an naraot na edificio, sarong primary school para sa mga jovenes na babayi.
Napag-araman na an nasabing eskwelahan, nasa rayong 60 meters hale sa sarong Iranian military base asin dati nang nagin base militar alagad naghaloy suboot ini poon pa kan 2016.
Sa ibong kaini, sinabi ni U.S. Central Command (CENTCOM), na si Tim Hawkins, na aram ninda an mga nangyayari mapadapit sa civilian casualties asin ngonian padagos na pigbeberipika an nasabing mga insidente.
Mientrastanto, padagos na pig-aaram an bilog na danyos asin numero kan mga nagadan asin biktima kan mas nagtinding tensyon sa rehiyon.
