Kinumpirmar kan Philippine National Police (PNP) na labi sa 200 na indibidwal an nakasuhan katakod kan kadahasan sa mga anti-corruption rally kan Setyembre 21.
Segun ki acting PNP chief Lt. Gen. Jose Melencio Nartatez Jr., an mga kaso may kinaaraman sa pagbayolar kan Batas Pambansa 880, arson, physical injuries, asin inciting to sedition asin an iba sa mga ini pigdadangog na sa korte.
Sinabi kan CIDG na kabale sa mga kinasuhan iyo an sarong congressman, sarong retiradong high-ranking general, asin nagkapirang mga negosyante, alagad dae na pinangaranan mantang nagpapadagos pa an imbestigasyon.
Kinumpirmar man kan CIDG an pagsangat nin kaso laban ki Cavite Rep. Kiko Barzaga huli sa inciting to sedition, katakod kan mga rally kan Setyembre 21 asin Oktubre 12.
Enot kaini, labi sa 200 katawo, kabali an 90 menor de edad, an nadakop sa kariribokan sa Ayala Bridge asin Mendiola, kun saen duwang tawo an nagadan, na nagkawsa sa mga pangapodan kan mga human rights groups para sa mas dakulang maximum tolerance gikan sa kapulisan.
 confirmed that more than 200 individuals have been charged in connection with the violence during the anti-corruption rallies on September 21.){kind=link}