LEGAZPI CITY-Labi sa 20 pasahero an nailigtas makalihis maraotan nin makina an sarong ferry boat sa kadagatan kan Basilan.
Susog sa report, an ferry na wooden-hulled M/L Julifer naghale sa Zamboanga City nin maagahon pasiring sa Laminusa Island sa banwaan kan Siasi, Sulu.
Bandang alas-3 nin maagahon kan bigla suboot magpundo an makina kan sasakyan-dagat mantang ini nasa katahawan kan Lampinigan Island sa Isabela City.
Huli digdi, napiritan an mga pasahero asin crew na maghagad nin tulos na tabang sa mga otoridad.
Tulos man na nagresponde an mga tauhan hale sa Basilan Provincial Disaster Risk Reduction and Management Office (PDRRMO) asin an Isabela City Disaster Risk Reduction and Management Office (CDRRMO), katuwang an Philippine Coast Guard, para sa sarong rescue operation.
Nailigtas man an mga pasahero asin crew asin temporamenteng nasa Lampinigan.
Napagaraman man na pirang oras bago an insidente, nagpaluwas an Coast Guard nin temporary suspension kan sea trips huli sa raot kan panahon.
