LEGAZPI CITY — Isinairarom sa restrictions kan Philippine Army an pigtutubudang suspek sa panlulugos asin panggagadan sa sarong 21 anyos na babaye sa banwaan kan Castilla sa Sorsogon.
Segun ki Col. Fernando Trinidad, commanding officer kan 903rd Infantry Brigade kan Philippine Army, nasa kustodiya ninda an duwang dae na pinangaranang Citizen Armed Force Geographical Units (CAFGU) members asin nasa restriksyon kun kaya dae suboot ini pwedesir magluwas sa kampo hasta dae nagpapaluwas nin mandamiento de aresto an pulisya.
Enot na suboot nindang idinara ini sa hepatura kan pulisya alagad pinalibre huli sa kawaran nin witness.
Kaipuhan suboot na makapag-producir muna ki witness huli sa difisil suboot an kaso urog na pigninigaran kan duwa an krimen.
An duwang pigsasabing suspek an miyembro kan Alpha Company kan 22nd Infantry Batallion.
Apwera pa kaini, nilinaw ni Trinidad na dae ninda pigkokonsinte an mga siring na lakdang kun kaya oras na maprobarang guilty sa kaso, sinda na mismo suboot an ma-turn over kaini sa pulisya.
