LEGAZPI CITY — Dakop sa ipigkondusir na operasyon kan mga otoridad an duwang municipal most wanted persons sa magkabulagang lugar sa Bicol.

Arestado si Edwin Navata sa Niog 1, Bacoor City, Cavite sa bisa kan mandamiento de aresto para sa pigkakahampang na 3 counts of rape.

An nasabing suspek an numero unong most wanted sa Caramoran, Catanduanes.

Mientrastanto, nadakop man kan mga personahes kan Magallanes PNP, Sorsogon Police Intelligence Branch, Sorsogon Provincial Public Safety Company asin Lucena City Police station an suspek na si Antonio Aringo, 64 anyos.

Dinakop an suspek sa Brgy. Barra, syudad kan Lucena sa bisa kan mandamiento de aresto.

Si Aringo an pigkokonsiderar na number 1 most wanted person sa banwaan kan Magallanes sa Sorsogon huli sa kasong parricide.

Sa presente, nasa kustodiya na kan mga otoridad an mga suspek para sa magkakanigong disposisyon.