LEGAZPI CITY-Gadan an duwang National Guardsman makalihis na sinda pagbabadilon harani sa White House sa Estados Unidos.
Segun kay Homeland Security Secretary Kristi Noem, nagkaigwa nin palitan nin putok sa sarong pigbibistong suspek.
Tulos man na inarestar ini asin ikinulong kan mga otoridad.
Inulangan na man kan DC Metropolitan Police an lugar kun sain nangyari an insidente.
Magigirumduman na ikinalat an National Guards sa Washington, DC bilang parte kan anti-crime crackdown basado sa direktiba ni US President Donald Trump.
