LEGAZPI CITY — Saro an gadan mantang duwa an lugadan sa nangyaring aksidente sa Barangay Cabanga, Oas, Albay.
Sa intrevista kan Bombo Radyo Legazpi ki SPO1 Aris Norman Colle, hali sa banwaan kan Polangui an motorsiklo na pigmamanehar ni Anna Garcia lunad an mga backrider na sinda Chrystel Osayta, 22-anyos asin Diana Joy Rayton, 20-anyos.
Kan umabot sa pinangyarihan kan aksidente, tuminama sa gutter kan tinampo an motorsiklo rason ngani na ma-slide ini asin nakatapok si Rayton na tuminama pa sa wire nin kuryente rason kan tulos na kagadanan kaini mantang nagsapar man nin injuries an duwang iba pa.
Sa presente segun sa opisyal, padagos na pinag-oobserbaran si Garcia huli ta kritikal an kondisyon kaini makalihis na masubsob sa nasambitan na gutter.
Nagluluwas man sa inisyal na imbestigasyon kan Oas Municipal Police na nakainom an mga biktima kan mangyari an aksidente asin wara man suboot na sulot na helmet an mga ini.
Sa ngunyan nagpapadagos pa an ipigkokundusir na imbestigasyon kan mga kapulisan dapit sa nasambitan na insidente.
