Duwang lalaki an nagadan makalihis sindang pagsasaksakon sa Barangay San Agustin, huli sa suboot iriwal sa dae pag-aambag sa inuman.
Binisto an mga biktima na sinda Mario asin Gaspar, residente kan Sta. Maria, Davao Occidental.
Segun kay Police Lt Col Dennis Pabilonia, hepe kan Pili Municipal Police Station, nag-iinuman an duwang biktima kaiba an suspek na binistong si Novo, residente kan Banaybanay, Davao Oriental.
Sa katahawan kan saindang inuman, naghagad nin ambag an suspek nganing makabakal na nin inumon.
Siring man, huli ta dae siya tinawan, sarong mainit na pagpapasuway an nangyari sa pagultangan ninda.
Nagluwas nin kutsilyo an suspek asin tulos na pinagsasaksak an duwang biktima.
Naisugod pa sa ospital an duwa alagad idineklara sindang dead on arrival huli sa malalang lugad kan mga ini.
Marikas na naarestar an suspek asin nahahampang ngonian sa two counts of murder.
