LEGAZPI CITY — Naulangan kan personahes kan Coast Guard District sa Matnog port, Sorsogon an duwang lalaki na ma-transport kuta nin ammonium nitrate na sarong ipigbabawal na chemical compound.
Binisto an mga akusado na sinda Byrne Gajisan, 40-anyos asin Joemar Quimno, 24-anyos.
Sa intrevista kan Bombo Radyo Legazpi ki Lt. Lemuel Nobles kan CGS-Matnog, sinabi kaini na dara kan duwa an 10 sako asin 14 container na laog an nasabing substance na warang darang permit to transport hale sa Firearm and Explosive Division (FED) asin Fertilizer and Pesticide Authority (FPA).
Segun suboot sa saro sa mga akusado, pinadara kan pinagtatrabauhang kumpanya an items na gagamiton sa heavy equipment trucks tangarig dae maging maaso na maray.
Alagad segun ki Nobles, piggagamit na pataba sa niyog an substance asin component man sa paggibo nin dinamita.
Tulos man suboot na ipig-turn over sa Matnog Municipal Police an duwang suspek maging an nakumpiskang substance para sa magkakanigong disposisyon.
