Nagadan an piloto asin sakay kaini sa pagbagsak kan sarong cessna plane sa barangay Libsong East sa banwaan kan Lingayen sa provincia kan Pangasinan.
Dead on arrival sa ospital an 35 anyos na piloto asin 25 anyos na student pilot.
Sa ekslusibong intrevista kan Bombo Radyo Dagupan kay Nald Somera, saksi sa buminagsak na eroplano, pauli na suboot ini sa saindang harong kan mahiling an eroplano sa himpapawid na pagiwang-giwang, alagad dae man suboot naglaog sa isip niya na mabagsak ini.
Hasta sa makalihis an 15 minuto, nabigla na sana siya na may mga responders an pasiring sa lugar na pinangyarihan, asin kan sinundan niya ini, duman na tuminambad an buminagsak na eroplano.
Napag araman na an aircraft an inooperate kan Pilipinas Space Aviation Academy Inc.
Padagos pa an imbestigasyon kan mga otoridad sa nangyaring insidente.
