LEGAZPI CITY – Lugadan an sarong persona makalihis an nairehistrong kasulo sa Barlet street, Brgy. Ibingay Masbate City.
Sa intrevista kan Bombo Radyo Legazpi SFO1 Alvin Dela Peña, tagapagtaram kan Masbate City Fire Station, nagpuon an kasulo sa sarong harong hasta sa madamay an kataning.
Nangyari an insidente sa sarong compound sana, kaya igwa nin nadamay na ibang harong.
Segun ki Dela Peña, nadificilan sa pagresponde huli ta sadit sana an agihan kun sain halos dae kasya an fire truck.
Saro man na persona an nagsapar nin first degree burn sa tuong kamot huli sa pagtabang sa pagluwas kan mga gamit sa nasusulong harong.
Sa ngonyan, padagos pa an ipigsasagibong imbestigasyon kan mga otoridad sa kawsa kan kasulo magin sa kantidad kan kabilugang danyos.
Mientras tanto, inihayag kan opisyal na ini na an panduwang insidente nin kasulo na nairehistro sa ciudad asin naglalaom na dae na madugangan pa.
