Duwang persona an binawian nin buhay mantang nadanyaran an sarong oil refinery kasunod kan pinakadakulang drone attack kan Ukraine sa Moscow as tahaw kan huring aldaw kan parliamentary elections sa Russia.
Segun ki Moscow Mayor Sergei Sobyanin, uminabot sa labi sa 1,600 na drone an napabagsak kan Russia puon kan Sabado, kaibanan an 450 na pasiring sa kabisera.
Tinawan duon kan pamayuhan kan Moscow na obhetong idiskaril kan Ukraine an national elections sa paagi kan insidente, alagad nagpalyar suboot ini na makuwa an saindang obheto.
Afuera sa nagadan, nagkrear man nin mahewasan na danyos sa mga establishimento asin mga kaharungan an pag-atake, na nagresulta sa pagpapa-ebakwar sa poco mas o menos 400 residente sa Ramenskoye district.
Nangyari an ribayan nin pag-atake sa pasilidad kan enerhiya sa ibong kan enot na pahayag ni US President Donald Trump na nagkasundo an duwang nacion na ipundo an pag-target sa mga imprastraktura kan lambang saro.
