LEGAZPI CITY — Duwa katawo an winalat na gadan kan nangyaring banggaan nin duwan motorsiklo sa Sitio Lalinan, Bongsaran, Barangay Rizal, banwaan kan Gubat, Sorsogon.
Segun ki Police Chief Inspector Jim Jeremias, hepe kan Gubat Municipal Police, nagluluwas sa inisyal na imbestigasyon na pigbabaybay kan biktima na si Edgar Estolonio lunad an backrider na nabistong si Victor an tinampo pasiring sa banwaan kan Barcelona alagad nasala an kalkulasyon kaini asin aksidenteng nabangga an kasabatan na motorsiklo na pigmamanehar ni Richard Galan na pasiring kuta sa Bulusan.
Huli kaini, nakatapok an mga biktima asin buminagsak sa tinampo asin nagsapar nin malalang injuries.
Tulos man na naidalagan sa ospital an mga biktima para sa medikal na asistensya alagad idineklarar na dead on arrival sinda Estolino asin Galan.
Sa presente nagpapadagos pa an ipigkokundusir na imbestigasyon kan Gubat PNP dapit sa nasambitan na aksidente.
