LEGAZPI CITY-Duwang indibidwal an nairehistrong gadan makalihis an nangyaring pambabadil sa ika-apat na palapag kan Ateneo de Zamboanga University Junior High School Campus sa Zamboanga City, ngonian na aldaw nin Martes, Agosto 17.
Basado sa inisyal na report kan mga otoridad, sarong Grade 9 na estudyante an pigtuturong suspek na suboot naggamit nin duwang klase nin badil na sarong 9mm pistol asin sarong long arm M16 rifle sa laog kan eskwelahab,
Tulos na nadangog an magkakasunod na putok nin badil sa nasabing palapag na nagkawsa nin matinding takot sa mga estudyante asin paratukdo sa bilog na campus.
Basado sa dugang na report kan mga otoridad, binisto an mga nagadan na sarong paratukdo asin an mismong Grade 7 na suspek.
Honor student suboot an suspek asin Top 1 sa klase, asin nagadan ini makalihis badilon an sadiri matapos an saiyang panloloob sa eskwelahan.
Padagos pa an mabusising imbestigasyon kan mga otoridad ngani matukoy an motibo kan suspek, kun pano nailaog an mga badil sa laog mismo kan eskwelahan asin an opisyal na pagkakakilanlan kan mga biktima.
