LEGAZPI CITY-Irido an duwang driver makalihis an nangyaring aksidente sa Barangay San Lorenzo Tabaco City.
Segun kay Tabaco City Disaster Risk Reduction and Management Office, Gelatio Molato Jr., sa intrevista kan Bombo Radyo Legazpi, nakaresibe nin apod an saindang operation center alas 12:36 nin pagkaudto mapadapit sa sarong vehicular accident an nangyari sa national road kan Barangay San Lorenzo sa ciudad kan Tabaco.
Binisto an mga biktima na sarong 53-anyos na driver kan tricycle asin residente kan Barangay San Lorenzo, asin sarong 24-anyos na driver kan motorsiklo asin residente kan Barangay Panarayon Bacacay Albay.
Dagdag pa kan opisyal na tulos na nagresponde an saindang response team asin dinara an mga biktima sa ospital para sa makakanigong atensyong medikal.
Diugang pa kan otoridad na basado sa CCTV kan barangay na mahihiling na parehong igwang sala an mga driver kung sain dapat igwa ining mga paghiling enkaso maliko o maovertake sa mga kalsada.
Sa presente, nagsapo nin mga gasgas sa lawas an 2 driver asin nasa ligtas man sindang kalayagayan.
