Nagadan an nasa 19 peregrino mantang nagsasagibo nin haj rituals sa Saudi Arabia huli sa matinding init nin panahon.
Segun sa mga otoridad, 14 kaini an hali sa Jordan mantang lima an Iranian na nagsapar nin heat stroke huli sa init kan panahon na nag-aabot nin nasa 40 degree celcius.
Tradisyon na kan mga Muslim na magpasiring sa Kaaba o “House of Allah” sa sagradong ciudad nin Mecca sa Saudi Arabia tuyong Eid’l Adha.
Gabos na mga Mulism sa kinaban na may kapabilidad an kaipohan na magsagibo kan haj pilgrimage nin maski na sarong bes sa saindang buhay.
Kadaklan kan mga ritwal an piggigibo sa luwas asin kaipohan na nakabitis sana kung kaya dae maibitaran na mabalad sa matinding init nin panahon an mga peregrino.
Ngani na matabangan an mga nagdadayo sa ciudad, naglilibot an mga personahes kan Saudi Arabia na nagtatao nin tubig asin nakabantay sa mga nagbibisita.
Magigirumduman na kan nakalihis na taon kan mag-abot sa 240 na mga Muslim an binawian man nin buhay sa pagsasagibo nin hajj.
