Nadukayang wara nang buhay an sarong 19-anyos na estudyante sa Barangay La Filipina, Tagum City, Davao del Norte.
Segun sa Tagum City Police Station, nahiling an biktima na wara ng buhay asin tinakluban nin tamong sa laog kan saiyang kwarto kun saen nagsapo nin maabot 38 saksak sa manlain-laing parte kan saiyang hawak.
Segun sa pulis, igwa nin mga indikasyon na hinabon kan mga suspechado an mga gamit kan biktima, kabale na an sarong laptop computer, cellphone, tablet, asin relo.
Nakua kan mga pulis sa pinangyarihan kan krimen an sarong grass cutter, sarong bolo, dumbbell, asin sarong panyo na pigtutubodan na ginamit kan mga suspechado sa paggadan sa biktima.
An motibo kan krimen pig-iimbestigaran bilang paghabon.
Katakod kaini, pigsierto kan Davao del Norte Police Provincial Director, Col. Alexander Serrano Jr. na mahigot an saindang ginigibong imbestigasyon sa insidente.
Nangapudan man ini sa mga posibleng may impormasyon manungod sa krimen na mag-atubang asin makipagtabangan sa mga otoridad ngani na masolusyunan an krimen.
Desidido an pamilya kan biktima na ipasairarom sa autopsy an bangkay ngani na maaraman kun ano an tunay na kawsa kan saiyang pagkagadan.
