LEGAZPI CITY – Nakagradwar na an ibang surrendering drug users (SDU) sa rehiyon sa pig-opresir na skills-training program kan Technical Education and Skills Development Authority (TESDA) Bicol.
Segun sa tagapagtaram kan TESDA na si Rose Perida, nagpuon kan bulan kan Nobyembre an pagsairarom sa traing kan drug users kun saen 18 SDU sa Albay an naka-gradwar na sa kursong bread making.
An iba sa 81 SDU sa enterong Kabikolan an nag-aadal nin tiles setting, puto siopao asin siomai making sa Sorsogon asin welding man sa Camarines Sur.
Sa ngunyan, padagos man liwat an monitoring kan TESDA kun saen kan enot na semana kan Enero, nagpaapod sinda nin meeting sa focal persons na nagmo-monitor kan saindang training program asin igwa na sindang monitoring template.
Dugang pa ni Perida, antes man darahon sainda an SDU, dapat na may referral o listahan na isusumite an local government unit kun saen nakasurat an mga pangaran kan mga preparado na para sa skills-training.
An mga naka-gradwar na sa saindang programa an pwedesir suboot makahanap nin trabaho o sinda na mismo an magtugdok nin sadiring negosyo.
