Gadan an 18 katawo sa pag-atake kan mga militanteng grupo sa provincia nin Deir el-Zour sa nasyun kan Syria.
Isinagibo an pag-atake kan mga miyembro kan Deir el-Zour Military Council asin Syrian Democratic Forces bilang pagbalos sa pagkagadan kan mga sibilyan sa lugar.
Kan nakalihis na semana kan maglunsar nin airstrikes an mga suldado sa Dahla asin Jdaidet Bakkara na ikinagadan nin 11 sibilyan.
Ikinadagit ini kan mga militanteng grupo na nagkampihan na ngunyan asin naglunsar nin pag-atake sa gobyerno.
Tolong outpost kan mga pulis asin suldado an inatake kan grupo na nagresulta sa pagkagadan kan 18 katawo.
Huli sa insidente mas pinahigot na ngunyan an seguridad sa lugar asin inaalarma na an mga residentes.
An Syrian Democratic Forces an militanteng grupo na suportado kan Estados Unidos asin may kontrol sa ngunyan sa eastern Syria na mayaman sa produktong petrolyo.
Pirang taon naman na matoninong sa lugar, alagad huli sa naglalalang tensyon sa Middle East dara kan gera kan Israel asin Hamas, nagpuon na naman na maging aktibo an mga militanteng grupo.
