LEGAZPI CITY-Nagsangat nin criminal complaint si National Security Adviser Eduardo Año laban sa 18 indibidwal na suboot dating marino, kaiba an saindang mga abogado na si Levito Baligod asin dating Congressman Mike Defensor.
Isinangat an reklamo kani kan Miyerkules, Marso 5 sa Department of Justice.
Kasunod ini kan mga alegasyon na nakaresibe suboot si Año nin kickbacks hale sa mga maanomalyang flood control projects.
Segun kay Año na obheto kaini na ipagtanggol an saiyang pangaran asin reputasyon matapos siyang madawit sa sarong salaysay na suboot nakaresibe siya nin paper bag na igwang laog na kwarta.
Sa saiyang reklamo, nabanggit an pagbayolar sa Article 154 kan Revised Penal Code na nagtutukoy sa unlawful means of publication and utterances, siring man an pagbayolar sa Cybercrime Prevention Act of 2012.
