LEGAZPI CITY — Gadan na kan makaabot sa ospital an sarong 18-anyos na lalaki makalihis na madiskubreng nakabigti sa harong sa Brgy. Bagumbayan, Tiwi, Albay.
Pigtutubudang naghugot an biktimang si Raymund Borlasa, sarong estudyante.
Nagluluwas sa inisyal na imbestigasyon na mismong an ina kan soltero an nakahiling sa bangkay.
Tulos man na dinara sa ospital an biktima alagad ipigdeklarar dead in arrival kan doktor.
Sa presente, nagluluksa an bilog na pamilya kan biktima sa nangyari mantang padagos pang pig-aaram an magabat na motibo kan biktima sa nagin desisyong tapuson an buhay.
