LEGAZPI CITY—Timbog an sarong 18-anyos na lalaking estudyante sa kinundusir na buy-bust operation kan mga otoridad sa banwaan kan Donsol, Sorsogon.
Binisto an suspek na si alyas “Rico”, sarong newly identified drug personality sa irarom kan Target Intelligence Packet.
Nakumpiskar saiya an duwang heat-sealed transparent plastic sachet na may laog nin pigtutubudang pinatuyong dahon nin marijuana na may gabat na 0.4 gramo.
Afuera digdi, nakumpiskar man an sarong improvised glass pipe, duwang cellphone, buy-bust money, asin iba pang personal na gamit.
Nakatalaang isumiter sa Sorsogon Provincial Forensic Unit an mga nakuang ebidensya para sa laboratory examination.
Mientrastanto, mahahampang an suspek sa kasong pagbayolar sa Republic Act 9165 o Comprehensive Dangerous Drugs Act of 2002.
