Gadan an 17 na mga jovenes makalihis na magbungkaras an kasulo sa saindang dormitoryo mantang nagkakaturog an mga ini sa boarding school sa central Kenya.
Nangyari an insidente sa Hillside Endarasha Academy sa Nyeri, na sarong pangenot na boarding school para sa mga joven na estudyante.
Segun sa tagapagtaram kan gobierno na si Isaac Mwaura na an nasabing mga biktima an mga kalalakihan na nasa edad 9-anyos hasta 13-anyos na mga estudyante sa grade 4 hasta grade 8.
Napag-araman na nasa 156 na mga estudyante an nagtetenir sa nasabing dormitoryo.
Segun man ki Kenya Vice President Rigathi Gachagua na nasa 70 na estudyante an nagtetenir na unaccounted, alagad posibleng an iba suboot sa mga ini an naiuli na kan saindang mga magurang.
Sa presente dae pa man maaraman an nagin rason kan nasabing kasulo.
