LEGAZPI CITY– Warang nahiling na foul play an mga kapulisan sa nangyaring pagkalamos kan sarong 17-anyos na lalaki sa Yawa river sa banwaan kan Daraga, Albay kasuudma.
Segun ki Police Lt. Col. Mary Grace Tagtag, Officer-in-Charge kan Daraga Municipal Police Station sa intrevista kan Bombo Radyo Legazpi na nagkakarigos an biktima kaibanan an saro pang lalaki asin sarong babayi kan mangyari an insidente.
Napag-araman na diit pang malamamos an kaibanan kaining babayi kaya isinalbar kan biktima alagad dae na nakabalik pa sa pampang.
Paliwanag kan hepe na igwang mga hirarom na parte an nasabing salog asin natangay ini kan makusog na agos kan tubig.
Napag-araman na nagdurar pa nin 30 minutos an pag-retrive sa lawas kan biktima huli ta napasiring suboot ini sa hirarom na parte kan tubig.
Mientras tanto, nakaolay na man suboot kan kapulisan an pamilya kan biktima asin magin ini an nagtutubod na wara man na foul play sa nangyaring insidente.
