Gadan na kan madukayan an sarong 17-anyos na babae sa Barangay 12, Bacolod City.
Segun sa pulisya, nakagapos an mga kamot asin warang saplot na pang-ibaba kan madukayan sa maawot na parte kan reclamation area an daragita.
Huring nahiling na buhay an biktima kan Martes kan ini magluwas sa saindang harong alagad dae na nagbalik.
Segun ki Police Captain Francis Depasucat, hepe kan Police Station 1, nabisto kan mga ka-paryentes an bangkay kan biktima na isasairarom sa otopsiya.
May mga lugad man suboot na nahiling sa hawak asin braso kan biktima.
Sisiyasaton man kan pulis an mga CCTV cameras sa lugar na posibleng makatabang sa imbestigasyon nganing maaraman kun sisay an mga tawong huring kaiba kan biktima.
Mientrastanto, kinondenar ni Bacolod City Mayor Greg Gasataya an nasambitang krimen asin nag-ofresir nin P100,000 na reward sa makakatao nin impormasyon na mapadapit sa suspek.
Kasabay kaini, pigsugo ni Gasataya an mga awtoridad na tulos na hanapon an mga suspek sa nasabing krimen.
Sinabi kaini na nakipagkoordinar na siya sa Bacolod City Police Office tanganing ma-utilize an gabos na resources asin magkaigwa nin lead asin madakop sa lalong madaling panahon an mga salarin.
