Naghampang sa National Bureau of Investigation (NBI) an 16 sa 18 suboot dating Marines, na nagsabing “bagmen” sinda ni dating Congressman Zaldy Co bilang kasimbagan sa ipinaluwas na subpoena.
Kaibahan ninda kasubagong aga an saindang abogado na si Levito Baligod.
Dae pa nagtao nin rason si Levito kun nyata dae niya iprinesentar an duwa sa mga ini sa NBI.
Magigirumduman na nagpaluwas nin subpoena an NBI sa 25 indibidwal, kabale an 18 suboot dating Marines.
Nag-ugat an mga subpoenas sa sarong press conference kan Pebrero 24 kun sain pig-introdusir ni Baligod an 18 indibidwal na dating Marines na suboot nagserbing “bagmen” ni Co asin nagdara nin P805 billion na suboot kickbacks gikan sa mga maanomalyang flood control projects.
Inakusaran pa ni Baligod si Presidente Ferdinand Marcos Jr. na iyo an mastermind sa likod kan nasabing lakdang asin suboot itinao an kwarta sa dakol na personalidad, kabale si dating House Speaker Martin Romualdez asin Co.
Inapod ini ni Palace Press Officer Claire Castro na sarong “lousy script” asin saro sana suboot ining kampanya nganing raoton si Presidente Marcos.
, claiming to be "bagmen" of former Congressman Zaldy Co in response to a subpoena.){kind=link}