Kinumpirma ni Senator Francis “Chiz” Escudero, na naelihir bilang presiding officer kan Senado na matindog na impeachment court, na kinakaipuhan an dae mababa sa 16 na boto kan mga senador nganing mahatulang guilty si Vice President Sara Duterte sa impeachment trial.
Sa saiyang mensahe makalihis tanggapon an posisyon kan Lunes, sinabi ni Escudero na malinaw sa Konstitusyon na warang opisyal na pwedesir mahatulan sa sarong impeachment trial nin warang pag-uyon kan two-thirds kan kabilogang miyembro kan Senado.
Ipinaliwanag niya na ang interpretasyong ini an naaayon man sa naging desisyon kan Korte Suprema sa kasong Bayan v. Zamora kan 2000, kun sain tinukar an kinakaipuhang two-thirds vote kan Senado.
Huli digdi nararapat na sunudon ini nganing dae makaapektar sa direchos kan respondent asin kan taumbayan.
Ipigdoon pa kan senador na mandato kan kada senador na magsirbing hukom na sunudon an nag-iiral na ley, anuman an saindang personal na pananaw.
Naenot digdi, naelihir si Escudero bilang presiding officer kan impeachment court sa botong 12 pabor asin walo an kontra. Pinamayuhan man niya an impeachment court kan 2025 mantang siya an Senate President.
Pinagiromdoman man niya an saiyang mga kapwa senador na pairalin ang pagiging patas asin warang kinikilingan sa pagdangog kan kaso alinsunod sa Konstitusyon asin umiiral na mga ley.
