Pigkakarkulong nasa 150,000 indibidwal an nag-atendir sa ika-duwang aldaw kan Peaceful Rally for Transparency kan Iglesia ni Cristo (INC) sa Quirino Grandstand, segun sa Manila Disaster Risk Reduction and Management Office (DRRMO).
An nasabing numero an datos kasubagong alas-9 nin aga asin pinaglalaoman na magbabago pa sa masunod na mga oras.
An pagtiripon an parte kan tulong aldaw na programa kan INC na obherong ipangapudan an transparency asin accountability sa gobierno.
Sa enot na aldaw kasuudma, Nobyembre 16, pigtataram na nasa poco mas o menos 630,000 an crowd estimate na nagpahiling nin suporta hali sa mga miyembro asin kaalyado kan INC.
An nasabing rally an nangyayari sa tahaw kan kontrobersya sa flood control scandal na nagkakantidad nin bilyones, na nagin sentro kan pangapudan para sa mas malinaw na gobierno.
