LEGAZPI CITY—Bilang kasimbagan sa kakulangan sa suplay kan langis, plano ngunyan kan gobierno provincial kan Catanduanes na mag-alokar nin pondo nganing makabakal nin 15 micro gas stations na ibubugtak urog sa mga liblib na lugar na warang access sa gasolina.
Segun ki Catanduanes Governor Patrick Azanza, sa intrevista kan Bombo Radyo Legazpi, i-oorganisa ninda ini bilang asosasyon o kooperatiba na mga tios na namamanwaan sa magkataraning na barangay kun sain may kasabay na training, puhunan, asin may kasabay na pagbakal nin micro gas stations.
Saro ini sa mga proyekto kan provincia na nakapalaog sa P68.15 million kun sain kabale man digdi an pagdistribuir nin libreng solar units, scholarships, livelihood programs, asin iba pa na nakapokus sa bottom 10% kan saindang populasyon.
Mientrastanto, pangapudan kaini sa mga local supplier nin gasolina sa provincia na dae pag-abusohon, dae mag-hoard asin dae pagsamantalahon an krisis nganing labing halangkawan an presyo kan gasolina.
