Gadan an dae mababa sa 15 katawo mantang labi 50 iba pa ang irido makalihis an sarong pagsabog sa sarong mosque sa Kohat, Khyber Pakhtunkhwa province sa Pakistan.
Susog sa report, sarong kargadong behikulo kan mga pampasabog ang sumalpok sa entrance kan mosque na madudukayan sa laog kan police headquarters, mantang nagtiripon an mga tawo para sa Friday prayers.
Segun ki Dr. Tahir Shah, na dinara sa ospital ang dae mababa sa 15 lawas asin labi 50 iridong indibidwal. Posibleng maglangkaw pa an numero kan mga nagadan huli kritikal an kondisyon kan pira sa mga irido.
Wara pang umaangking grupo sa nasabing pag-atake.
Siring man, aktibo sa lugar ang regional affiliate kan Islamic State o ISIL asin an ang Pakistani Taliban o TTP, na kapwa regular na nagta-target sa mga security forces.
