LEGAZPI CITY – Ipig-orgulyo kan Department of Interior and Local Government (DILG) Regional 5 an 14 lugar sa rehiyon na resipiente kan 2019 Seal of Good Local Governance (SGLG).
Susog sa listahan na ipigluwas kan DILG, igwang sarong provincia, apat na ciudad asin siyam na munisipalidad sa Bicol na kaibanan sa listahan.
Kasabay sa mga tinawanan kan honra an ciudad kan Ligao asin Legazpi sa Albay; Iriga sa Camarines Sur asin Masbate City.
Laog man an banwaan kan Polangui sa Albay; Paracale sa Camarines Norte; Magarao asin Tigaon sa Camarines Sur; Virac sa Catanduanes; asin Irosin, Bulusan, Juban asin Pilar sa Sorsogon.
Solamenteng an provincia kan Camarines Norte sana sa bilog na Bicol an provincia na natawanan kan honra.
Napag-araman na igwa man na walong awardees kan SGLG hali sa Bicol kan nakalihis na taon.
Dapat na mapasaran kan mga lokal na gobierno tangarig na matawanan kan award an seven governance areas kaibanan an Financial Administration; Disaster Preparedness; Social Protection; Peace and Order; Business Friendliness and Competitiveness; Environmental Protection; asin Tourism Culture and the Arts.
