Gadan an 14 katawo sa missile attack kan Russia sa sarong mall sa Ukraine.
Segun sa Ukrainian Prosecutor General’s Office, nawasak an mall makalihis ining tamaan kan missile na pinalayog hali sa sarong unmanned aerial vehicle.
Kadaklan sa mga nagadan an natahuban kan nagbagsak na debris mantang pigkakahandalan na madugangan pa an numero kan mga binawian nin buhay.
Magigirumduman na enot ng inanunsyo kan Russia na malunsar sinda nin mas matinding pag-atake makalihis na laogon kan Ukraine an saindang teritoryo sa Kursk.
Duwang brigada kan mga suldadong Ukrainians an nakalaog sa Russia asin nagsasagibo ngunyan nin military operations.
Base sa pinakahuring report, 66 na katawo na an nalugadan sa pag-atake kan Ukraine alagad dae pa pigkukumpirma kung pira an nagagadan.
May mga report na kadakol na mga suldadong Russians an nadakop asin nasa kustodiya na ngunyan kan Ukraine.
