Sarong 14-anyos na lalaking person with a disability (PWD) an binawian nin buhay makalihis suboot na bugbugon kan anom na menor de edad sa sarong footbridge sa Barangay BF Homes, Parañaque City kan Biyernes.
Napag-araman na nakipaghilingan pa an biktima sa anom na Children in Conflict with the Law (CICL) ngani na ihatod an binakal na shorts para sainda antes mangyari an insidente.
Basado sa imbestigasuon kan kapulisan, sinabi ni Police Colonel Nicolas Piñon, hepe kan Parañaque City Police, na makalihis na makuwa an item, nagsakat na an biktima sa footbridge kun sain siya sinundan asin pinagtarabangan na bugbugon.
Nakadalagan pa suboot an biktima pasiring sa mga otoridad, alagad mantang pigdadara sa ospital, nagsuka na ini nin dugo asin kalaunan an binawian nin buhay huli sa matinding injury sa payo.
Sa ginibong follow-up operation, naarestar an anom na menor de edad na imbwelto sa insidente.
Nasa kustodiya sinda ngunyan kan City Social Welfare and Development Office asin nahahampang sa reklamong murder.
Nangapudan man nin hustisya an ina kan biktima, na ipinladawan an saiyang aki bilang mabuot asin warang kaiwal.
