LEGAZPI CITY—Mahigot na pigpagiromdoman kan Department of Labor and Employment Bicol an gabos na employer asin mga obrero sa rehiyon na siertohong maibarewas an 13th month pay ngonian na taon.
Segun ki DOLE Bicol Regional Director Imelda Gatinao, sa intrevista kan Bombo Radyo Legazpi, importante an nasabing benepisyo kan mga obrero kaya dapat dae ini ma-octaba asin maiheras na dae maglagpas sa December 24, 2025.
Dapat suboot na bako hulugan asin bilog na maibarewas ini sa mga obrero asin tama man an computation pag-abot sa holiday pay asin overtime pay.
Sinabi man kaini na dapat maprotehiran an mga obrero ngonian na holiday season siring kan pagtao nin bastanteng pahingalo asin bawal an sapiritan na overtime sa trabaho.
Dugang kan opisyal na importante an mai-report sa opisina en kaso dae nagsusunod an employer sa tamang pagbarewas kan 13th month pay.
Mientrastanto, pighayag man ni Gatinao na dapat bako sana an negosyo an mag-uswag kundi dapat pati man an kapakanan kan mga obrero sa nacion.
