LEGAZPI CITY – Nadugangan nin 13 an panibagong kaso nin COVID-19 sa Bicol.
Susog sa datos na ipigluwas kan Department of Health (DOH) Bicol, nagsakat na 2, 028 an kabilugang kaso kan COVID-19 sa rehiyon kun sain 328 an aktibong kaso.
Saro sa mga panibagong kaso an hali sa Sto. Domingo, Albay; duwa sa Camarines Norte; pito sa Camarines Sur; asin tulo sa ciudad kan Sorsogon.
Wara man na panibagong kaso na nairehistro sa Masbate asin Catanduanes.
Nasa 1, 601 naman an total recoveries huli sa 16 na nadugang.
Mientras na 86 na an COVID-19 deaths huli sa apat na nairehistrong panibagong nagadan sa Camarines Sur, Catanduanes, Sorsogon asin ciudad kan Naga.
