Maabot sa 13 katawo an nagadan sa nangyaring kasulo sa mga hilera kan mga high-rise building sa Hong Kong.
Nangyari an insidente sa 10 mga high-rise apartment buildings apartment compex sa Tai Po district.
Pigsabing nagpuon ini sa Wang Fuk Court apartment complex kun saen haros igwang 5,000 na residente.
Kaiba sa nagadan an sarong 37-anyos na bumbero kun saen maabot sa 700 na mga bumbero an nagtarabangan nganing mapalsok an kasulo.
Igwa man na 28 katawo an irido sa insidente na kun saen idinalagan na ini sa ospital.
Basado sa mga otoridad na pito sa walong edificio an nasulo.
