LEGAZPI CITY-Dai mababa sa 13 katawo an kumpirmadong gadan makalihis an mahiwasang pagsabog sa sarong pinakadakulang pasilidad kan liquefied natural gas (LNG) sa Ras Laffan industrial zone sa Doha, Qatar.
Segun kay Qatari Energy Minister Saad Sherida al-Kaabi, an mga biktima kan pagsabog poon pa sa India asin Pakistan.
An Embahada kan India sa Doha, nagpaabot nin taos-pusong pakikidumamay sa mga naulilang pamilya kan mga biktima kan pagsabog asin pigsierto an gabos na kinakaipuhang tabang sa sainda pati na sa mga nairido.
An imbestigasyon sa kawsa kan pagsabog, nagpapadagos mantang dati nang nairehistro an pagkakaigwa nin teknikal na aksidente an pasilidad kan suplay kan lokal na gas kan Barzan.
Mantang nago-operate pa ini makalihis isarado kan Marso huli sa mahiwasang danyos, huli sa gera sa Middle East.
