LEGAZPI CITY- Ipinagpapasalamat kan pamilya Llantero an personal pang pagpasiring kan Public Attorney’s Office (PAO) team of experts sa saindang residencia sa Albay tangarig na ma-eksamin an tunay na ugat kan pagkagadan kan 13-anyos na solteritong si “Arjay”.
Enot na kayang ipighayag ni Analyn Llantero, ina ni Arjay sa ekslusibong intrevista kan Bombo Radyo Legazpi na duda igwang kinaaraman sa ipigtudok na dengue vaccine na Dengvaxia an amay na kagadanan kan matuang aki.
Naresibe ni Arjay an tulong tudok kan nasabing dengue vaccine mantang nagkaklase pa sa Pampanga asin Nobyembre kan taong 2017 kan mamatean an labing panluluya hasta sa magadan na kan nakaaging Hunyo 24.
Sa ibong na lado, sinimbag naman kan PAO an pagpapalubong sa aki kasubagong ala-una nin hapon sa sementeryo kan Camalig mantang enot naman na nagpasalamat si PAO chief Atty. Persida Acosta sa pagkaaram kan sitwasyon kan pamilya Llantero sa paagi kan Bombo Radyo.
