LEGAZPI CITY- Pinaglalaoman na maililipat na sa urog na madalig panahon sa permanent relocation site an nasa 125 na mga pamilya sa banwaan kan Malilipot, Albay na presenteng nagtetenir sa tent city.
An nasabing mga pamilya an ipig-ebakwar hali sa 6km radius permanent danger zone kan bulkang Mayon.
Segun ki Malilipot Municipal Disaster Risk Reduction and Management Office head Alvin Magdaong sa intrevista kan Bombo Radyo Legazpi na igwa ng mga units nin pabahay an natapos kan National Housing Authority asin Department of Human Settlements and Urban Development.
Huli digdi, mababawasan na an mga evacuees na nagtetenir sa tent city.
Paliwanag kan opisyal na nasa proseso na kan paglipat sa nasabing pabahay alagad igwa pang mga dokumento an ipighahanda sa ngunyan.
Dugang pa ni Magdaong na pag-abot kan bulan nin Hunyo, pinaglalaoman na matatapos na an nasa 600 na housing units asin maiilipat na an gabos na mga pamilya na nasa 6km radius permanent danger zone ngani na dae na magbalik an mga ini sa nasabing lugar,
Enkasong maisakatuparan, wara nang kinakaipuhan na i-ebakwar sa banwaan enkasong magkaigwa liwat nin aktibidad an bulkang Mayon.
