Nasa 124 na mga indibdwal an binawian nin buhay sa pagsakyada kan Sudanese paramilitary group na Rapid Support Forces sa timog na parte kan Khartoum Sudan segun sa mga doktor asin mga aktibista sa lugar.
Enkasong makumpirmar an nasabing datos, ini na an maikokunsiderar na saro sa deadliest incident sa nagpapadagos na civil war.
Marurumduman na padagos na nakikipaglaban an Rapid Support Forces sa Sudanese Armed Forces ngani na makuwa an kontrol sa nacion, puon pa kan Abril kan nakalihis na nacion.
An parehong lado man an nagbabatuhan nin mga akusasyon nin panggagadan sa mga sibilyan.
An insidente an nangyari kasunod kan pagdulag kan Rapid Support Forces commander.
Segun sa pahayag kan miyembro kan Resistance Committees na labi sa 200 na mga sibilyan an nairido sa nasabing pag-atake sa Al-Sareeha mantang nasa 150 na iba pa an dinakop kan paramilitary group.
