Isinunad sa Kamara de Representantes an propwesto na nagbubusol na gibohong krimen an pagpapakalat nin fake news.
Segun ki reelected Cagayan de Oro City Rep. Rufus Rodriguez, na mantang pigtutugutan kan Konstitusyon ang freedom of speech, of expression, of the press an igwa man ining limitasyon, segun sa Korte Suprema.
Segun ki Rodriguez, dating law dean, an mga presenteng ley siring kan Revised Penal Code asin Cybercrime Prevention Act (Republic Act 10175) an bako bastante nganing simbagan an mga isyung dara kan fake news kaya isinunad kaini an Anti-Fake News and Disinformation bill (House Bill 11506).
Dae man sakop kan propwestong ley an mga satire, parody, personal na opinyon, honest mistakes, asin good-faith reporting.
Igwa man suboot na mga judicial safeguard, siring kan legal remedies asin appellate review nganing dae maabuso an propwesto.
Sa irarom kan propwesto, an mga ipigbabawal an pagtuyong paggibo asin pagpapakalat nin mga salang impormasyon, pagpapatindog, pag-operate asin pagtaong pondo kan troll farm, pagpapakalat nin fake news nganing mag-engganyo nin karahasan, pagrungka sa sarong demokratikong institusyon, o pagkrear nin public panic.
Maabot sa anom sagkod 12 taong an pagkakarsel asin may multa na P500,000 hanggang P2 milyon an padusa sa mga bayolar sa nasabing propwesto.
