Padagos na nagpaparahay an 12 estudyante kan San Jose National High School sa Tacloban City, Leyte makalihis sindang mairido sa insidente nin pambabadil kan Hunyo 22.
Segun sa Department of Education (DepEd) na padagos na pigmo-monitor an kondisyon kan lambang estudyante.
Learner 1 — nagtetenir sa Intensive Care Unit (ICU), conscious asin coherent, asin nagsasairarom na sa soft diet.
Learner 2 asin 3 — conscious, coherent, may stable vital signs, asin posibleng makaluwas na sa ospital.
Learner 4 — padagos na nagpaparahay.
Learner 5 — conscious, stable an vital signs, asin nasa recovery stage.
Learner 6 — natapos na an operasyon, conscious asin coherent.
Learner 7 — padagos na nagpaparahay.
Learner 8 — nakaluwas na sa ospital.
Learner 9 asin 10 — natapos na an operasyon.
Learner 11 — nagsasairarom sa pagpapabulong sa minor Operating Room (OR).
Learner 12 — nakaluwas na sa ospital.
Mientras tanto, sinierto man kan DepEd na nagpapadagos an saindang pakikipag koordinar sa mga ospital asin pamilya kan mga apektadong estudyante ngani na masierto na nareresibe an mga kinakaipuhan na tabang asin suporta sa pagpaparahay.
