Pighayag ni Presidente Ferdinand Marcos Jr. na nasa 115 Filipino convicts sa United Arab Emirates an natawan nin royal pardons antes an Eid’l Fitr, na nagmamarka sa Islamic holy month kan Ramadan.
Marurumduman na an Eid’l Fitr an pinag-aantisiparan na mangyayari sa aga, Marso 31.
Katakod kaini, nagpasalamat si Presidente Marcos ki UAE President His Highness Sheikh Mohamed bin Zayed Al Nahyan para sa nasabing lakdang.
Segun sa presidente na an nasabing lakdang an nagpapahiling kan espesyal na relasyon kan duwang nacion.
Naghagad man nin asistensya an United Arab Emirates sa Pilipinas para sa pagpapaluwas kan pangaran kan mga Pilipino na natawan nin pardon.
