LEGAZPI CITY-Ligtas na nakabalik an 11 pang mga pinoy seafarers na hale sa MV Magic Seas na naglubog huli sa pagatake kan Houthi rebels sa Red Sea.
Sa pangengenot kan Department of Migrant Workers (DMW), sinabat ninda an mga seafarers sa Ninoy Aquino International Airport (NAIA) Terminal 3 sa Pasay City na lunad an mga marino kan flight SQ 0918.
Narescue an mga seafarers asin pansamantalang nagtenir sa Djibouti makalihis na maideklara digdi nakaligtas sa pagkalubog kan nasambitang barko.
Magigirumduman an kairiba an 17 na mga pinoy seafarers na nairehistrong sakay kan MV Magic Seas kan atakihon ini kan mga rebelde kan Hulyo 6.
Mientrastanto, pigsierto ni Secretary Hans Leo Cacdac katuwang an iba pang ahensiya siring kan Overseas Workers Welfare Administration (OWWA), Department of Health (DOH) asin magin an Department of Social Welfare and Development (DSWD) na makakatanggap nin pinansyal na tabang asin benepisyo an mga seafarers na ini mantang nagpapadagos an imbestigasyon sa insidente.
